Geologische Zeitskala

Äonothem	Ärathem	System	≈ Alter (mya)
P h a n e r o z o i k u m Dauer: 541 Ma	Käno­zoikum Erdneuzeit Dauer: 66 Ma	Quartär	0 ⬍ 2,588
		Neogen	2,588 ⬍ 23,03
		Paläogen	23,03 ⬍ 66
	Meso­zoikum Erdmittelalter Dauer: 186,2 Ma	Kreide	66 ⬍ 145
		Jura	145 ⬍ 201,3
		Trias	201,3 ⬍ 251,9
	Paläo­zoikum Erdaltertum Dauer: 288,8 Ma	Perm	251,9 ⬍ 298,9
		Karbon	298,9 ⬍ 358,9
		Devon	358,9 ⬍ 419,2
		Silur	419,2 ⬍ 443,4
		Ordovizium	443,4 ⬍ 485,4
		Kambrium	485,4 ⬍ 541
P r o t e r o z o i k u m Dauer: 1959 Ma	Neoprote­rozoikum Jungprote­rozoikum Dauer: 459 Ma	Ediacarium	541 ⬍ 635
		Cryogenium	635 ⬍ 720
		Tonium	720 ⬍ 1000
	Mesoprote­rozoikum Mittelprote­rozoikum Dauer: 600 Ma	Stenium	1000 ⬍ 1200
		Ectasium	1200 ⬍ 1400
		Calymmium	1400 ⬍ 1600
	Paläoprote­rozoikum Altprote­rozoikum Dauer: 900 Ma	Statherium	1600 ⬍ 1800
		Orosirium	1800 ⬍ 2050
		Rhyacium	2050 ⬍ 2300
		Siderium	2300 ⬍ 2500
A r c h a i k u m Dauer: 1500 Ma	Neoarchaikum Dauer: 300 Ma		2500 ⬍ 2800
	Mesoarchaikum Dauer: 400 Ma		2800 ⬍ 3200
	Paläoarchaikum Dauer: 400 Ma		3200 ⬍ 3600
	Eoarchaikum Dauer: 400 Ma		3600 ⬍ 4000
H a d a i k u m Dauer: 600 Ma			4000 4600

Die geoloogischi Zitskaala isch e hierarchischi Iidäilig vo dr Ärdgschicht. D Hierarchii-Eebine und au d Zitabschnitt häi alli Nääme. Die eltere Zitabschnitt („Präkambrium“) si weeniger fiin iidäilt as die jüngere, und iiri Underdäilung stützt sich usschliesslig uf tektoonischi Faase. Mit em Aafang vom Fanerozoikum, em „Zitalter vo sichtbaarem [dierischem] Lääbe“) vor 541 Millioone Joor foot dr ununterbrocheni Fossiilbricht aa, wo mit de Methoode vo dr Biostratigrafii e differenzierteri Iidäilig mööglig macht. D Gränze vo de Zitabschnitt wärde mit de Methoode vo dr Geochronologii, hauptsächlig radiometrisch, mit eme absolute (numeerische) Alter gestgläit.

Konwenzionell goot mä bi dr Daarstellig vo unde gege oobe - vom eltiste zum jüngste, so wie mä d Serie vo de Sedimänt innerhalb vom ene idealisierte tektoonisch ungstöörte Gstäibrofiil aadrifft.

E Fassig vo dr geoloogische Zitskaala, wo in der geowüsseschaftlige Gmäinschaft allgemäin akzeptiert wird, isch die stratigraafischi Dabälle, die internazionaali Fassig stammt vo dr International Commission on Stratigraphy (ICS), d Wersioon, wo für Dütschland regionalisiert isch, wird vo dr Dütsche Stratigraafische Kommissioon (DSK) usgaarbäitet und veröffentligt. D Dabälle rächts zäigt die stratigraafische Äihäite noch em ICS/DSK-Standard in ere kompakte Daarstellig, wo nit maassstääblig isch (d Äihäite vo de bäide underste Hierarchiiebine si nit din).